Vuoittut ja gilvonjuolggadusat

Vuoittut juogaduvvojit čuovvovaččat:
I vuoitu: 1.000 Euro
II vuoitu: 750 Euro
III vuoitu: 500 Euro

Neahttasiiddus www.discoverbarents.com almmuhat golbma buoremus gova maid jury vállje, ja maiddái gova mii oažžu eanemus jienaid ja masa gudnenamahus mieđihuvvo. Jienasteapmi loahpahuvvo seamma áiggi go govvagilvu; cuoŋománu 30. b. 2019. Govvagilvu čalmmustahttojuvvo sosiála mediain, fáddágilkoriid #discoverbarents ja #barentsyouth bokte.

Son gii vuoitá govvagilvvu vuosttaš vuoittu bovdejuvvo erenoamáš meanuide Barents Regiovdnaráđi čoahkkima oktavuođas mii lágiduvvo golggotmánu 1. – 4. beivviid 2019, Upmejes (Västerbotten, Ruoŧas). Finnmárkku fylkkagielda máksá vuoiti mátkegoluid meanuid oktavuođas.

Oppalaš gilvonjuolggadusat ja searvaneavttut

  1. Searvamis eaktuduvvo ahte buohkat čuvvot njuolggadusaid. Buohkat geat servet gilvui dohkkehit njuolggadusaid.
  2. Buot gilvovuoittut leat almmuhuvvon njuolggadusain ja eará vuoittut eai juogaduvvo. Vuoitosupmi fievrriduvvo vuoiti báŋkokonto guovtti (2) vahku siste vuoitobeaivvi maŋŋil.
  3. Lágideaddji ii vástit vearuid ja divadiid vuoittuid ovddas. Vuoiti ovddasvástádussii gullá hálddašit vejolaš vuoitodivadiid, go iešguđet riikkain leat iežaset vearroortnegat.
  4. Gilvu lea rabas buohkaide. Oasseváldit sáhttet boahtit vaikko gos máilmmis. Gilvolágideaddjit eai sáhte searvat gilvui, iige jury. Vuollel 16 jahkásaš mánát fertejit váhnemiin/ovddasteddjiin oažžut lobi searvat gilvui. Váhnemat/ovddasteaddjit vuostáiváldet maid vuoittu máná ovddas, ja galget maid vástidit vejolaš vearrogeatnegasvuođaid.
  5. Jos háliidat gilvui searvat, de fertet sáddet gova JPEG-formáhtas neahttasiiddu www.discoverbarents.com bokte. Govva sturrodat galgá leat unnimus 1600 piksel. Muđui eai gusto eará gáibádusat gova sturrodahkii dahje eará govvagáibádusat. Govva galgá govvejuvvon Barentsguovllus. Galggat maid čilget gos govva lea govvejuvvon ja goas.
  6. Govvagilvvu 2019 fáddá lea Barents Nuorat, ja eaktuduvvo ahte nuorat leat govvejuvvon eanaš govain. Mii fuomášahttit ahte olbmot geat leat govvejuvvon galget mieđihit dasa ahte govaid sáhttá almmuhit ja ahte dat sáddejuvvojit govvagilvui. Oasseváldi ferte ieš fuolahit mieđiheami ovdal go govaid sádde. FUOM: Jos vuollel 16 jahkásaš mánát leat govvejuvvon, de gáibiduvvo miehtan máná váhnemiin/ovddasteddjiin.
  7. Juohke oasseváldi sádde eanemusat guokte (2) gova, muhto dušše nubbi govva maid oasseváldi sádde sáhttá vuoitit.
  8. Oasseváldi galgá álo geavahit iežas nama gilvvu oktavuođas. Jos eará namma geavahuvvo, de sáhttá dáhpáhuvvat ahte vuoitu massojuvvo.
  9. Govvagilvvu searvama bokte dáhkidat ahte don leat gova eaiggát, ja ahte it rihko vejolaš dahkkivuoigatvuođaid, gálvomearkkaid, personsuodjaleami dahje moralalaš vuoigatvuođaid, ja ahte earáin eai leat makkár ge gáibádusat gova hárrái.
  10. Govvagilvvu searvama bokte addet buot oasseváldit lágideaddjái lobi máŋget, čájehit, prentet dahje geavahit gilvogovaid vihtta jagi maŋŋil go govvagilvu lea loahpahuvvon. Ovdamearkka dihte sáhttet govat geavahuvvot Barentsguovllu márkanastimis. Lágideaddjis lea maid lohpi govaid geavahit eará mediain (maiddái sosiála mediain).
  11. Govat mat sáddejuvvojit govvagilvui vurkejuvvojit oktasaš govvagalleriijas gos sáhttet geavahuvvot ovdalis namuhuvvon ulbmiliidda govvagilvvu maŋŋil. Eaktuduvvo ahte son gii govaid geavaha muitala gova ja govvejeaddji birra. Govaid sáhttá neahtas viežžat iešguđet formáhtas, muhto fertet vuos iežat registreret neahttasiiddus. Govaid sáhttá neahtas viežžat vihtta jagi govvagilvvu maŋŋá.
  12. Lágideaddjis lea vuoigatvuohta almmuhit govvejeaddji ovdanama, goarggu, ruovttubáikki ja ruovtturiikka buot gilvooktavuođain.
  13. Lágideaddjis lea vuoigatvuohta govvagilvui sáddejuvvon govaid redigeret ja čuohppat jos lea dárbu daid heivehit. Govvejeaddji namma galgá almmuhuvvot buot govain mat almmuhuvvojit.
  14. Gilvolágideaddjis lea vuoigatvuohta mearridit galget go gilvogovat čalmmustahttojuvvot gilvogalleriijas. Govat eai almmuhuvvo jos gii ge oamasta dahkkivuoigatvuođaid govaide, dahje jos dat čájehit veahkaválddálašvuođa/pornografiija dahje eará heivetmeahttun áššiid.
  15. Govvagilvu lea áigodagas guovvamánu 1. b. – cuoŋománu 30. b. 2019, ja riikkaidgaskasaš jury vállje vuitiid miessemánu 2019 mielde. Gilvvu vuoiti almmuhuvvo geassemánu 1. b. 2019. Gilvobohtosat almmuhuvvojit www.discoverbarents.com ja www.barentscooperation.org neahttasiidduin geassemánu 1. b. 2019. Buot vuoitit ožžot dieđu, ja mii eaktudat ahte rivttes oktavuođadieđut leat midjiide sáddejuvvon.
  16. Lágideaddjis lea vuoigatvuohta rievdadit gilvonjuolggadusaid iešguđetge áigái.